Te Oranga o te Awa

Ngā tuhituhinga

Ko te tūmanako mai i tā mātou whakaari ka mōhiotia whānuitia ki ngā hītori o te awa o Waitaua, anō hoki, ki ngā rohe o tēnei awa. I ngā rā o mua, i reira ngā kaumātua katoa, engari, mai i aua rā ki tēnei wā tonu, kua memeha haere aua kaumātua. I ēnei rā, ko te tūmanako kia mōhio tātou katoa, kia mōhio ngā uri whakatipu ki wēnei kaupapa me ngā hītori o te awa o Waitaua me ngā rohe o tana taha.

Kei Kāwhia mātou i tēnei wā. Tā mātou mahi inapō, i mahi mātou tā mātou whakaari. I kōrero mātou e pā ana ki tā mātou awa o Waitaua, nā te mea i ngā wā o mua, i tino tūkinotia, i kitea e matou he mīhini horoi kākahu, he maha ngā rāpihi. Tā mātou hiahia, kia pai ai te haere, kia tipu pai ngā tuna katoa i roto i te awa nei.

I tae atu ia ki te pāti nei, ā, ka kite i tana wahine purotu, tana whaiāipo, a Mere. Engari nā tana tino haurangi, i tino awangawanga ia i te tīmatanga. I haere ia ki te taha awa ki te inu waipiro, ka taka ia ki roto. I hurihia hei tuna. Nā tēnei kaitiaki i whakamārama atu ki a ia he aha te take i reira ia, ko wai ia. Engari i roto i te kōrero i tae ia ki te wāhi o Parikiore, Tukua-o-Punga, Kamo me te Whanga-a-Reipae.

Ia wāhi he kōrero mai i ngā rā o mua, ngā rā o ngā tūpuna. I kohi pikopiko tētahi karani, mō te kai o te pō, mō ana moko e toru. Engari, i te taenga atu o ngā moko nei, i tino hiahia rātou ki te kai Makitānara. Ka tae mai a Taumata, i wero ia i a rātou. I tino ara te wairua o te karani nei ki a Taumata mō tana mahi, kia kai ai i ngā kai Māori, te pikopiko, hei aha te Makitānara. Anō hoki, ka hoatu te wahine nei he koha māna mō tana haerenga.

I hoki mai a Taumata. I hoki mai a Mere. Mai i tā rāua mahi, ka hono ngātahi anō. I tino whakaatu ngā tauira nei ō rātou kare ā-roto i roto i tēnei. Nā te mea he tino nui te mahi hei puāwai mai i tēnei whakaari, āe.