Manaakitia te Awa o Waitaua

Ngā tuhituhinga

Te tīmatatanga o ngā mahi, ā, pātai atu ki ngā kuia, ngā kaumātua ki te haere mai ki te kura, whakamārama, kōrero tahi ki ngā tamariki. Whakamārama atu ki a rātou, ā, ngā kōrero o nehe, ngā tikanga hei hono atu ki te wai. Ko te wai te oranga o ngā tāngata katoa. Whāngai hoki ngā matauranga e pā ana ki ngā whakapapa o te awa. He aha ngā ingoa o ngā marae e noho tata ana ki te awa, ā, ko wai ngā hapū e noho ana ki te taha o te awa. Me ngā pūrākau o nehe.

He maha ngā mea hē i pā ki tō mātou awa. I tino kī ki ngā paruparu, te rāpihi me aua mea. Nō reira, i hiahia ngā tauira kia mahia tētahi mahi kia ora anō taua awa. Nō reira, mai i tērā i hui tahi ngā tauira ki te rangahau, ki te whakaaro i ētahi pūkenga, ētahi rautaki kia taea, me kī, te pakanga i ēnei tūāhuatanga.

Ko tētahi o ngā mea uaua mō ngā kaiako, ā, ki te hoatu te mana motuhake ki ngā tamariki. Nā, i whakatakoto ngā mahere ako, ō rātou hiahia ki waenganui i te mahere. I hiahia rātou i te tuatahi ki te haere me te whakapai te awa kia pērā, engari, ā muri i tērā, ka whakaaro rātou, ‘He aha te take o te whakapai te awa mēnā kāhore te hapori e tino mōhio ana ki te tiaki.’ Nō reira, ka huri ō rātou whakaaro ki te whakaako, ki te akona i te hapori me pēhea te tiaki i te awa. Nā reira, mai i konā, i tū rātou ki te mahi, me kī, ngā whakaari, ngā kōrero ki ngā kura, ki ngā kaunihera, ki ngā tāngata nō ngā rōpū kāwanatanga, kia aro mai ki ēnei tūmomo tūāhuatanga.

Ehara i te mea i haere rātou me te tautohe, heoi anō, ka whakaatu i ngā hē, ka whakaatu anō ētahi rautaki kia mōhio te hapori, ka taea te mahi. Ko tētahi tau i whakatō ana mātou e ono mano ngā rākau ki te taha o te awa, te kaha tautoko mai ngā rōpū o te hapori, mai ngā whānau, mai ngā pūtea tautoko hoki.