Te Māra Kai
Kua mahi tahi Te Kura Kaupapa Māori o Tōku Māpihi Maurea me ngā kaimahi māra māori ki te whakatō i tētahi māra i te kura.
Tirohia te ataata ki Vimeo i konei, ma te kowhiri ranei i te whakaahua.
Ngā tuhituhinga
I ahu mai te whakaaro i te tuatahi i ngā mātua. I te hiahia rātou kia – heoi anō, kia whai te kura nei i ngā kaupapa taiao. I runga anō pea i te mea, heoi anō, ko te iwi Māori he iwi whenua i ngā wā o mua. Heoi anō, ināianei ko te nuinga o ā tātou tamariki kāore e paku mōhio ana ki te whenua. Horekau e mōhio nei he tino pānga ki te whenua.
Ka tīmata mātou ki te mahi tahi māra kai, ā, ko ētahi o ngā pātai a ngā tamariki, ā, pēnei nei. 'Kei hea ngā kai e tipu ana?' Ko te nuinga o rātou ka kī 'Kei te toa'. Nō reira, ka aro ngā kaiako ki te wānanga i ngā tamariki, kia hoki anō kia mōhio rātou e tīmata kē mai i a Papatūānuku.
Kia kite rātou i ngā mahi a Matua Kaiwaka rāua ko Whaea Lynn. Te maha o ngā kai me ngā tūmomo putiputi e tipu i waenganui hoki i ngā huawhenua. Kua kī rātou, ‘Kei tipu ngā putiputi.’ Kua mea atu a Kaiwaka, ‘Āe koinā ētahi o ngā hoa o ngā tipu.’
I whakamārama a Kaiwaka ki a mātou i ngā wā pai, ana, ka whakaatu ia ki a mātou he pai ki te tipu māra.
Kia kite ā-kanohi nei, te kura nei, ngā tamariki o tēnei kura, he huhua atu anō ngā mahi ka mahia mō te whakatō kai.
Ko te mahi o te niupepa he weed control.
E kōrero ana mātou mō tēnei mea te kōwhiri i ngā – i ngā kākano tēnā ka whakatōngia, i taki mai ana tētahi. Kia mōhiotia, heoi anō, ko ētahi tupu e tika ana kia whakatupungia i tētahi wāhanga o te tau, engari, tērā ētahi atu anō, me whakatupu anō i tētahi atu wāhanga o te tau.
Me tatari mō te wā pai ki te whakatupu, nā te mea, ko ētahi wā he wā rerekē ki te whakatupu kūmara, ki te tōmato.
Kei te mārama ki a koutou. Ko ngā mea poto ki tēnei taha, kia whitingia ai e te rā, kia kore ai e taumarumarungia i ngā tupu e teitei kē atu ana.
Ko ngā painga kua kite atu ahau ko ngā tamariki tonu. Kua kaha rātou ki te haere ki ngā māra ki te whāwhā haere i ngā māra ki te titiro e tipu haere ana.
He pai ngā kai mai i te māra, ana, he pai mō te tinana, ana, ka hoatu kaha mō ngā mahi ka mahia.
E āta mahi ana mātou ki te āta whakaako atu i ētahi o ngā tikanga o tēnei mea te māra i tua atu i te ngaki māra noa iho nei.
Koinei ngā kai o ngā atua. I kōwhiringia rātou mō mātou, ana, kia ora pai tātou me ngā atua hoki, nā te mea, i tērā wā ko ngā atua anake ki roto i tēnei ao. Ana, i kōwhiringia ngā kai mō mātou, kia pai te ora.