He Taonga te Kūmara
Ka whakamārama mai tētahi ākonga i ngā kōrero mō tā rātou whakaari e pā ana ki te kūmara. Koia nei tā rātou whakaaturanga me ngā whakaaro o te kōhine nei e pā ana ki ngā mahi whakatō kūmara i ēnei rā.
Tirohia te ataata ki Vimeo i konei, mā te kōwhiri rānei i te whakaahua.
Ngā tuhituhinga
Nā ngētehi ākonga nō te kura te kūmara i whakatō, ā, ka tae mai te wā hauhake, nā, ko rātou tērā ka hauhake ngā kūmara. Nā runga anō i tērā o ngā whakarētōtanga, ka toko ake te whakaaro i roto i a mātou, mā tērā kaupapa, me kī, ko te kūmara, tō mātou whakaari e whakakotahi ai i a mātou.
Eaoia, ko ngā whakaaro nō te kura ko ngā whakaaro hoki nō te wāhi nei i poipoia ki roto i a mātou. Nō reira, i te tīmatanga o te whakaari kei Hawaiki mātou, ki reira mātou i pakanga ki te taha o ngērā atu iwi o reira. Nā, ka pupū ake te riri i roto i ngētehi o ngā tangata nō reira, ka toko ake anō te pakirehua mā Hoturoa me tōna iwi e kimi wāhi hou.
Nā, ka eke te iwi rā ki roto i te waka o Tainui, ka hoea te waka, ā, ka ū mai ki Kāwhia. Ka kimi a Whakaotirangi tētahi wāhi hei whakatō kūmara. I taua wā i tonu, i ngaro a Hoturoa ka pupū ake te whakaaro ki roto i a Whakaotirangi kei tō Mārama ki kōrua taha a Hoturoa e whakaatu ana i te aroha.
Nā, ka haere a Mārama rāua ko Hoturoa ki te mahi o rāua mahi. Nā, ko Whakaotiranga me tōna iwi ka noho mai ka titiro mō Hoturoa. Ka aroha a Hoturoa ki a Whakaotirangi, nā, ka kōrero tahi rāua, ka hapū rāua tahi, nā Hoturoa ngā tamaiti tokorua.
I taua wā, kua wehe kē a Mārama ki wāhi kē noho ai. Nā, ka noho ko Hoturoa rāua ko Whakaotirangi ki konei, ki Kāwhia, hei manaaki, hei poipoi te whenua, hei manaaki hoki i tana māra kūmara.
Ko ōku whakaaro mō te kūmara i aua wā, kua kore he toa, me ka uaua te kite tētahi tangata ka haere ki wāhi kē hoko kūmara ai. I ēnei rangi, me ka uaua te kite i tētahi tangata ka whakatō ngōna ake kūmara ki tōna ake māra.
Kua rerekē ngā tikanga, oh, ehara ko ngā tikanga, engari, te tangata me kī, kua kore noa ngōna mahi whakatō kūmara, pea ko te wā kē te raru, pea ko, aua hoki engari he mea pai ki te whakatōngia ō ake kūmara, nā te mea nōu ake, ka whakarangatira ai te kai rā, ki te hoko mai te toa he kai noa. Ehara i te mea kua kore he mauri, he rangatira te kūmara rā, engari, he rerekē tō te kūmara kua whakatipungia e koe ki tā tēraka hoko mai i te toa.