Te Whakatō Kai ki te Kura
Kua mahi tahi ngā ākonga, ngā kaiako me ngā whānau o Te Kura Kaupapa Māori o Ngāti Rangi ki te whakatipu huarākau me te whakatō māra hei painga mō te kura, mō te kōhanga me ngā whānau.
Tirohia te ataata ki Vimeo i konei, mā te kōwhiri rānei i te whakaahua.
Ngā tuhituhinga
Ko te Tikaraina Ringapoto tēnei, he wharepuni.
Ko Mangawero te awa, e rere kau mai te awa nei mai i te kāhui maunga ki Tangaroa.
Ko au te awa, ko te awa ko au.
Kei raro mātou hoki i te kaupapa 'Ngā rākau kei roto i ngā kura'. Ētēhi o ngā rākau, ngā rākau mō te māra putiputi, ētahi mō ngā kai.
Nā ngā tamariki o te kura i whakatō ēnei kai.
Ko tēnei te rākau āporo.
Ko tēnei te rākau pea
Koinā te tīmatanga e toru – e whā ngā tau kua pahure. Engari ko tō mātou rōpū hauora – te kaunihera hauora o te rohe nei i hōmai rātou ētahi o ngā rākau, arā, ko te rākau āporo mō te mate pukupuku.
Kei te taha o te kura he wāhi mō ngā rākau, ko ngā ōriwa. Ko te take – i mea mai tētahi tangata nō Taumarunui, he pai te papa i te rohe nei mō te whakatipu rākau ōriwa.
I whakaaro mātou, he pai. Ka taea te whakatō i ngā rākau ōriwa.
Ka whakatō ngā tamariki i ngā momo kai ngā pī, ngā paukena, kamokamo me ērā atu. Ka taea e ētahi o rātou te tunu kai mō te katoa.
Ko tēnei Te Kōhanga Reo o Manu Kōrero.
I whakaratongia mātou i ngā kai ki ngā tamariki o te kōhanga reo, ki ngā whānau. I te tīmatanga o ia tau ka tīmata te whakarite mō te kapahaka, mō te Hui Aranga. Ka tae mai ngā tamariki mokopuna ki te marae, ki te whakaako i ngā waiata hou. Ka hoatu ngā hua whenua, huarākau, mō te tohatoha ki ngā whānau.
Mōhio rātou ki te whakarato, ki te tiaki i rātou anō. Ana, inā ngā korero, ā, i puta mai i ngā hauora, nē? Kaua e tohatohangia tō kai. Engari ki te tamaiti Māori, kāore ērā kōrero e tika ana, ne? Ka kite koe i tētahi tamaiti kei te hiakai, ana, ka hoatu tō kai. Pērā, īe. Pai rātou ki rātou anō, mōhio ki te tiaki i rātou anō. I ngā rangi katoa ka tangi te pere nē? Te pere o te karakia. Mōhio tonu rātou ki te rerekētanga, e rua hoki ngā pere, te pere karakia me te pere kai. Mōhio rātou ki tēnei – mōhio ratou ki tēnei. Ētehi wā ka oma rātou. Ētehi wā ka oma anō rātou ki te wharekarakia – ka rongo rātou i te pere. Ka kata noa au ki ngā mokopuna nei. Rite tonu ana ki mātou, ka rongo rātou i te pere e tangi ana ka oma kē.