Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Whakatō Kūmara

Ka whakamārama mai ngā ākonga o Te Wharekura o Ngā Taiātea i te pūtakenga mai o ā rātou mahi whakatō kūmara.

Ngā tuhituhinga

Ko Ngāti Mahanga te mana whenua nei, ko Ngā Taiātea wharekura tēnei, ko tō mātou  whakatauakī, ‘E puta ki Taiātea’.

Te Whakatō Kūmara - I haere tētahi o ā mātou mātua, a Matua Pine, mai i konei, a Waikato, ki Te Tai Rāwhiti, a te Whānau-a-Apanui, ki te kōrero, ki te ako hoki me pēwhea e whakatō i ngā kūmara Māori, mai tētahi o ā rātou koroua, ā, ko Koro Wiremu Tāwhai tērā.

I whakaako a Koro Wiremu ki tō mātou nei matua, ā, i hoki mai taua matua ki a mātou, ā, i whakaako ia ki a mātou, ā, me pēwhea e whakatō tika ngā kūmara. Ā, i kī mai ia ki a mātou  me whakatō i te kūmara ki tētahi tāpapa i te tuatahi. Ā, kei taua tāpapa e toru ngā paparanga, kei te paparanga tuatahi ko te pātītī, kei te paparangi tuarua ko ngā toka, kei te paparanga tuatoru, ā, ko te one, kei roto hoki te one ko te kūmara.

Ka popo haere te pātītī ka whakamahana i ngā toka. Ka whakamahana ngā toka i te one, ā, ka pihi mai te kūmara. Ka tango koe i te pihinga ka whakatō ki te māra, ā, ka puta mai he kūmara anō.

I tae mai te wā raumati, ā, i raru mātou i te mea he wā hararei taua wā mō ngā kura. Nō reira, i whakaaro mātou me pēwhea mātou e manaaki, e tiaki i ēnei taonga a ngā kūmara. Ā, i haere mai ētahi whānau ki te manaaki ēnei kūmara mō mātou. I taua raumati anō i kaha ua hoki, nō reira, nā ngā atua me ngā whānau i āwhina i a mātou ki te manaaki i ēnei taonga.

I te otinga o ngā hararei, i hoki mai anō a Matua Pine ki te āwhina i a mātou ki te hauhake i ngā kūmara nei. Ki a ia anō, me tino ngāwari te hauhake o ngā kūmara nei, nā te mea, he tino taonga. I taua wā hoki, i mate te koroua rā a Wiremu Tāwhai, nāna anō wēnei kūmara i hoatu ki a mātou, ā, ko tō mātou kawenga, ko te manaaki i ēnei taonga.

Hoki ake ki runga ^


Footer: