Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Motu Rākau

Kua whakatōngia e Te Kura Kaupapa Māori o Tōku Māpihi Maurea tētahi uru rākau Māori ki roto tonu i tō rātou kura. Ko te ingoa o te wāhi nei ko ‘Te Motu Rākau’.

Ngā tuhituhinga

Ko tētahi o ngā mātua o te kura i ngā rā o mua, ko Pine Campbell tana ingoa. Nō māua pū anō te whakaaro i te tuatahi, i runga anō i te mōhio e hāngai ana ki ngā kaupapa taiao. Ko tō māua whakaaro, kia whakahoki mai ētahi o ngā rākau o ngā wā o mua ki te wāhi nei.

He repo tēnei wāhi i ngā wā o mua. Kapi katoa ana i ngā rākau pēnei nei i te kahikatea, te aha ake anō rānei, ko ngā rākau tonu o te repo. Engari āianei, heoi anō, kite ana tātou kapi kē ana te whenua nei iāianei, i te whare, te pātītī me te rori. He pīki mahi te mahi rā, heoi anō, ko tētahi o ngā tino kaupapa o te mātauranga taiao, ā, kia noho te mana whakahaere ki ngā tamariki i ngā wā katoa.

Ko te tino tikanga i tupu te motu rākau, nā te mea, i roto te motu rākau kua tupu mātou i ngā tupu Māori kia ora tonu ai. Kia kore e haere atu mō ake tonu atu.

Nau mai ki te motu rākau o Tōku Māpihi Maurea.

Ki a au nei, āe, kua tino whai hua, heoi anō, e ātaahua ana. Ka ātaahua kē ake i te roanga ake o ngā tau. E tino paingia ana e ngā tamariki hei wāhi tākaro mō rātou.

Ko tēnei te boxing ring. Ka hide koe ki konei. Ka tākaro hide and go seek mātou ki konei.
Āe, mō te hide and seek ka huna ki roto nei. Kāore e taea te kimi i a koe. Āe, tino pai.
He wāhi motuhake ki a mātou, nā te mea, kua tupu i ngā rākau Māori. Koirā ētahi o ngā tamariki o Tānemahuta.

Ka tino noho tonu hei rauemi ako mō te kura. Nā reira, āe, e tino nui ana ngā hua.

Hoki ake ki runga ^


Footer: