Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tō Mātou Kura Taiao

He nui ngā hua kua puta i te huringa o te kura nei hei Kura Taiao – kei te kitea i ngā tamariki, i te taiao, i ngā whānau me te marae.

Ngā tuhituhinga

I te tau rua mano mā whā i noho ana mātou ki raro i te kaupapa, o te kura taiao. Ki aku nei whakaaro ko te rerekētanga ki ētehi o ngā kura auraki, kei raro mātou i te kaupapa o Te Aho Matua. Koinā te kauapapa o ngā kura kaupapa Māori o te motu. Engari he ōrite te taiao ki tērā kauapapa Te Aho Matua.

I whakaaro mātou mai i te marae tae atu ki te kōhanga reo; haere atu ki te hauora tae atu ki te kura, i whakaaro mātou, e pai ana tērā kaupapa, ka taea e te whānau katoa te waia atu ki tērā huarahi o te taiao. Arā, ko te hangarua me ērā atu o ngā kaupapa. He nui te kaupapa. I whakaaro mātou he hononga ngā kaupapa katoa, arā, ko te maunga – tō mātou hōtaka hukarere, me ērā atu. Engari he hononga katoa ki a Ranginui, ki a Papatūānuku. He pai, e tautoko ana mātou.

I te tīmatanga i whakaaro mātou, he nui te kaupapa kura taiao. I whakaaro ka tīmata mātou ki te hangarua. I whakaaro mātou ka wehe – ka whakawehe ngā momo pepa, kirihou, kēne, tīni me ērā atu. Engari mahi ana mātou ngā pepa mō ngā māra. E pai ana mō ngā māra kai, mō ngā māra putiputi, mō ngā rākau hoki.
Mahi ana ngā momo kirihou mō te mahi toi, mō ngā pikitia, ngā kākāhu. Koina te mahi o te hangarua, tētehi wāhanga o te kura taiao.
Nā ngā tamariki tō rātou akonga i te kura, ana, ka haere mai rātou ki te marae, ana, ko ngā whakakaha o kōti ki mātou ki roto –ki roto i ngā kōmiti marae. Ana, kei te kaha ake ki te whakaaro i ērā mahi. He nui hoki te utu, me tino nui ngā rāpihi nei, engari me kohikohia tēnei ki tēnā, arā, kāore he utu mō ēnā, nē?

Hoki ake ki runga ^


Footer: