Harakeke
Nā te waipuke kua whakatiria ngā harakeke nei ki Te Kura Kaupapa Māori o Ngāti Rangi. He tino taonga ēnei harakeke ki te kura e taea ai e rātou te pupuri ki ngā mahinga me ngā tikanga a ō rātou tīpuna.
Tirohia te ataata ki Vimeo i konei, mā te kōwhiri rānei i te whakaahua.
Ngā tuhituhinga
Ko tēnā kaupapa ko ngā harakeke i tupu i raro nei nā. He nui ngā harakeke e tupu ana i raro nā. Nā te kuia, nā te tupuna anō i tupu i te wā i whakatūngia ai – i whakatūngia ai tēnei marae. Ka whakatupungia e rāua ngā harakeke ki te taha o te awa. Ko te ingoa o te harakeke nei ko Te Puia. Ana, ka whakaaro noa au, i ahu mai i hea ēnei harakeke, i runga i tērā ingoa a Te Puia.
He harakeke muka tēnei nō tētehi tau, te nui o te heke o te ua– kei te riro i te awa.
Ko ngā whakaaro, me kari ake ēnei – ēnei taonga, ka hari ki runga ki te kura mā koutou e tiaki.
Ana, ka noho noa mātou ki te karakia utaina ki runga i te –i te waka harihari taonga. Ana, haria ki te kura. Pōhiringia mai e te kura māhita i tērā wā, ngā taonga. Ka noho ngā tamariki ki te tau i ngā harakeke.
Ana, nō te nekenga o ngā harakeke ki te kura ka puta mai ngā tamariki o te kura. Ka noho mātou ki raro nei nā. Ka karakia – ka karakia ngā harakeke. Ka kōrero au i ngā kōrero nā ōu koutou tūpuna – kuia tūpuna i tupu – whakatupu ēnei harakeke hei taonga mō koutou. Mō ngā uri whakatupu, hei mahi whāriki, hei mahi kete, hei mahi i tāu e pirangi ai.